Галіна Сутула жыве і працуе ў Беларусі, у раённым гарадку Глыбокае, што на Віцебшчыне. Піша на беларускай і рускай мовах.

У аснове яе жыцця і літаратурнай дзейнасці -- вера ў Госпада, як крыніца духоўнасці і натхнення. Яе творы прасякнуты дабрынёй, міласэрнасцю, спагадай, заклікаюць людзей жыць, захоўваючы Божыя запаведзі і пакідаючы адметны след на гасцінцы жыцця. Сюжэты твораў жаццёвыя, рэальныя, а іх героі -- нашы землякі і сучаснікі, якія сталі асобамі і ўзорам для пераймання.